Bay-hiss hain yahaan log, bhala soch k kerna

iss daor main logon se wafa soch k kerna

ikk baar jo roothay to manaa tum nah sako gay

hum jesay faqeeron ko khafa soch k kerna

Gull shaakh se bichRay to kahin ka nahin rehta

tum zaat meri khud se juda soch k kerna

aisa nah ho, aa jayen udaasi ki ruttain phir

mann da'er ki maghmoom faza soch k kerna

main daar ka waris hoon, guzarish hai k Faa'iq

meray liay tajveez saza soch k kerna