Bohot Masoom Thay Hum Bhi

Humain Ab Yaad Aata Hai,

Keh Hum ik Ajnabi Ko Umr Ki Tareek Raton Ka Sahara Maan Bethay Thay,

Keh Uss Kay Chaand Chehray Ko,

Hum Apnay Bakht Ka Roshan Sitara Maan Bethay Thay

Humain Maloon He Kab Tha,

Keh Dasht-e-Zindgaani Main,

Sahaaray ChHoot Jatay Hain,

Kabhi Aisa Bhi Hota Hai,

Nazar Jin Pe Theherti Hai Woh Taaray Toot Jatay Hain

Khud Apnay chHoot Jatay Hain,

Bohot Masoom Thay Hum Bhi,

Humen Maloom He Kab Tha...!