suna hoga bohot tum ne,
kahin aankhon ki rim-jhim ka,
kahin palkon ki shabnam ka!
parha hoga bohot tum ne,
kahin lehjay ki barish ka,
kahin saagar kay aansu ka!

magar tum ne kabhi humdam,
kahin dekhay, kahin parkhay?
kissi tehreer kay aansu...
mujhe teri judaai ne yehi me'raaj bakhsha hai
k main jo lafz likhti hun,
woh saray lafz rotay hain
k main jo harf bunti hun,
woh saaray bain kertay hain
meray sung iss judaai main,
meray alfaaz martay hain...

sabhi tareef kertay hain meri tehreer ki lekin,
kabhi koi nahin sunta mere alfaaz ki siski,
falak bhi jo hilaa daalay,
meray lafzon main hain shamil,
ussi taseer k aansu,
kabhi dekho meray humdam,

meri tehreer k aansu...!!!