MUJHAY KIA

darmaaN-e-Gham-e-Hijr agar ho to mujhay kia

az-raah tumheN ab meri khabar ho to mujhay kia

jab ho gai gham se meri duniya tah-o-baala

ab ek jahaan Zair-o-Zabar ho to mujhay kia

jab khaak bhe baqi nah rahi Qalb-o-Jigar ki

tum meray liay khaak basar ho to mujhay kia

meray Dil-e-VeeraaN main ujaala nahi hota

tum Ghairat-e-Khurshee-o-Qamar ho to mujhay kia

hay ab meri duniya main sara-sar Shab-e-Furqat

ab iss Shab-e-Furqat ki sahar ho to mujhay kia

acha hai k bin meray guzar jaaey kissi ki

aor youN bhi kissi ki nah guzar ho to mujhay kia