Had-e-JunooN se guzar hua to MohabbatoN ka pata chalay ga

Koi Wafa ki nazar hua to MohabbatoN ka pata chalay ga

Abhi to Phirtay ho dostoN main, Azia koi juda naheN Hai

Koi idhar se udhar hua to MohabbatoN ka pata chalay ga

Abhi Mohabbat naheN hui naa! Kuch iss liay muskura rahay ho

Kissi ki BaanhoN main ghar hua to MohabbatoN ka pata chalay ga

Woh jiss ki khatir bana rahay ho zamanay bhar ko tum apna dushman

Wohi naa apna agar hua to MohabbatoN ka pata chalay ga