Teray Hisaab Se Bahir Nikal Gaya Hun Main

Tu Theek Kehta Tha, Shayed Badal Gaya Hun Main

Tujhay Khabar Nahin Kesay Kharaab Rastay Thay

Khuda Ka Shukr, Keh Phir Bhi Sambhal Gaya Hun Main

Meray Ilaawa Bhi Tujh Ko Azeez Hain Koi

Zara Si Baat Pe Aisay He Jal Gaya Hun Main

Yeh Paon Jantay Hain Waqt-e-Hijr Kesay Hai

Qadam Qadam Kisi Pathar Main Dhal Gaya Hun Main

Uthaa Lia Hai Sitaron Ne AsmaaN Sar Per

Zara Jo Chaand Ki Khatir Machal Gaya Hun Main