Raah Aasan Ho Gayi Hogi
Jaan Pehchan Ho Gayi Hogi

Phir Palat Ker Nigaah Naheen Aayi
Tum Pay Qurbaan Ho Gayi Hogi

Teri Zulfoon Ko Chhairti Thi Saba
Khud Pareshaan Ho Gayi Hogi

Un Say Bhi Cheen Lo Gay Yaad Apni
Jin Ka Imaan Ho Gayi Hogi

Maut Say Tere Dard MandoN Ki
Muskhil Aasan Ho Gayi Hogi

Dil Ki Taskeen Poochtay Hein Aap
Haan Meri Jaan Ho Gayi Gi

Marne Waloon Pay Saif Herat Kiyoon
Maut Aasan Ho Gayi Hogi

Raah Aasan Ho Gayi Hogi
Jaan Pehchan Ho Gayi Hogi...!

The Sadest Part is Not That

With Each Passing Day

I Feel Like

I Need You More...!

But It is The Fact That

You Don't Need Me At All...

Kabhi barish barasti hai

to mujh ko yaad aata hai,

Woh aksar mujh se kehti thi,

MOHABBAT AIK BARISH HAI

Sabhi pe jo barasti hai,

Magar phir bhi nahi hoti sabhi kay waastay yaksaaN!

Kissi k waastay rahat,

Kissi k waastay zehmat,

Main aksar sochta hoon ab,

Woh mujh se theek kehti thi,

MOHABBAT EK BARISH HAI

Sabhi pe jo barasti hai,

Kabhi mujh pe bhi barsi thi,

Magar meray liay barish,

Kabhi nah ban saki raahat,

Yeh raahat kiun nahi banti,

Kabhi main khud se puchooN to,

Yeh dil deta duhaai hai,

Kabhi kachay makanoN ko bhi baarish raas aai hai...?

Aao jaanch letay hain,

Dard kay tarazoo per,

Kis ka gham kahan tak hai,

Shiddatain kahan tak hain,

Kuch aziz logon se puchna to parta hai,

Aaj kal mohabbat ki qeematein kahan tak hain,

Aik shaam aa jao, khul k haal-e-dil keh lain,

Kon janay sanson ki Mohlatein kahan tak hain...!

Maseeha! soch le ab bhi

Nigaah-e-Naaz ne teri mujhe pathar bana dala,

Ba'zaahir daiwta hoon main,

Magar hoon bay-Nawa ab bhi,

Takallum main nahin rakhta,

Tasarruf main nahin rakhta,

Abhi tak na'Mukammal hoon,

Meri takmeel tum se hai,

Maseeha! soch le abhi bhi...

Mera bay-Rang sa chehra,

Meri bay-Noor si aankhen,

Tujhe awaaz deti hain,

BaRhaa Dast-e-Shifa apna,

Keh iss pathar ki rag rag main,

RawaaN hon khoon ki lehrain,

Maseeha Soch Le Ab Bhi...

Mujhe Teri Zaroorat Hai...!!!

Ay Naey Saal,

Bata tujh main naya kia hai?

Har taraf khalq ne kiun shor macha rakha hai

Roshni din ki wohi, taron bhari raat wohi,

Aaj bhi hum ko nazar aati hai her baat wohi,

Aasman badla hai, nah badli yeh afsurdah zameen,

Ek hindsay ka badalna koi jiddat to nahin,

Aglay barson ki tarah hon ge qareenay teray,

Kis ko maloom nahi 12 maheenay teray

Be-Sabab detay hain kiun log mubarak baadain?

Sab kia bhool gaey waqt ki karwi yaadain?

Tu naya hai to dikha, subh'o naii shaam naii

Warna in aankhon ne dekhay hain naey saal kaii...!!!

Bohot asaan hai kehna!

Mohabbat tum se kerti hoon!

Magar Matlab Mohabbat ka,

Samajh Lena Nahin AsaaN

Mohabbat Paa k kho dena,

Mohabbat Kho k paa lena,

Yeh unn logoN k Qissay hain,

Mohabbat k jo Mujrim hain

Jo mil janay pe hanstay hain,

Bichharr janay pe rotay hain

Suno!!!

Mohabbat kernay walay to bohot khamosh hotay hain

Jo Qurbat main bhi jeetay hain,

Jo Furqat main bhi jeetay hain

Nah woh faryaad kertay hain,

Nah woh ashkon ko peetay hain,

Mohabbat kernay walay to Bohot Khamosh Hotay Hain...!

Darta hoon maut se magar marna zaroor hai

Larazta hoon kafan se magar pehen'na zaroor hai

Ho jata hoon gham-geen janazay ko dekh ker

Lekin mera janazah bhi uthna zaroor hai

Hoti hai bari kap-kapi Qabron ko dekh ker

Muddaton andheri raat main sona zaroor hai

Duniya tu mere dil ko lubhaati hai subh-o-shaam

Per sach hai iss ko chhor ker jana zaroor hai

Ya ALLAH! Jab teri taraf se bulawa aaey to saahib-e-emaan uthaana. Aamin!!!

December aa gaya phir se

December main yeh soch tha

Tumhen aglay December main

December bhar jagayen gay

December bhar satayen gay

Tum jab pehloo main sowo gi

Tumhen shab-bhar jagayen gay

Subha se shaam tak din bhar

Tumharay pass bethain gay

Tumhen palkon pe rakhen gay

Tumhen dil main bithayen gay

Tumharay piyar ka bister bicha ker apnay kamray main

Hum sara ghar sajayen gay

Bohot he hont piyasay hain

Bohot dil per udaasi hai

Tumhen jab yeh batayen gay

December se nahin soye

Yeh jo aankhon main laali hai

Tumhari yaad wali hai

Yeh surkhi chunn k aankhon se

Tum honton pe lagao gi

Aor apni narm poron se

Mere seenay pe likh do gi

MERI JAAN !!!

Sab Kuch Tumhara Hai...

Tumharay He Hawalay Hai...

Galay se ab lagaon naa...!

Mujhe pehloo main sona hai,

Mujhe shab-bhar jagao naa...!

December bhar satao naa...!

December bhar jagao naa...!

December Aa gaya phir se...

DECEMBER AA GAYA PHIR SE...!

December jab bhi aata hai

woh pagli phir se...

Beetay mosam ko yaad kerti hai

Purana card parhti hai

Keh jiss main uss ne likha tha

Main loutoon ga December main

Naey kapray banati hai

Woh sara ghar sajati hai

December kay her ek ek din ko

Woh gin gin ker bitati hai

Joonhi 15 guzarti hai

Woh kuch kuch toot jati hai

Magar phir bhi purani albums ko khol ker

Maazi ko bhulaati hai

Nahin mahloom yeh uss Pagli ko

Keh beetay waqt ki khushian bohot takleef deti hain

Mehez dil ko jalati hai

Yoonhi din beet jatay hain

December lout jata hai

Magar woh khush-fehem Pagli

Dobarah se calender main

December kay maheenay kay

safhay ko mor ker phir se

December ki sehar main doob jati hai

Keh aakhir uss ne likha tha

MAIN LOUTOON GA DECEMBER MAIN