Ajeeb Hijr Parasti Thi Uss Ki Fitrat maiN

Shajar K TooTay Huay Pattay TalaaSh Kerta Tha

Qayaam Kerta Tha Mujh MaeN Woh SufioN ki Tarah

Udaas Reh Ker Goshay Talash Kerta Tha

Tamaam Raat Woh Zakm Day Ker Apnay PeroN Ko

Meray Wajood Kay Raizay Talaash Kerta Tha

DuaayeN Kerta Tha Ujray Huay MazaroN Pe

Baray Ajeeb Sahaaray Talash Kerta Tha

Bhulaaye Kon Aziyaat ParastiaaN Uss Ki

Khushi Kay Dhair Main Sadmay Talash Kerta Tha

Bohot Khush Hoon !

maeN itna Khush Hoon Jiss Ka Mujhko andazah naheN hay

Bus itna hay keh tum ne mujhKo hanstay hanstay chHoRa tha

phir uss kay baad maeN hansta he rehta hoon

Bohot khush hoon !

Meri aankhoN maeN ab aansu naheN aatay

maeN ab rota naheN hooN

bus itna hay khushii maeN Doob jata hooN

to phir sota naheN hooN

mujhay tab yaad aata hai kabhi tum nay kaha tha

Mohabbat marr naheN sakti

aor ab yeh maeN Bhi kehta hooN

yeh tanhaii kay zakhmoN ko bhi yaksar bhar naheN sakti

phir iss ka sog kia kerna

so maeN ek din hansii main sab uRaa dooN ga

tumharay hijr maeN reh ker maeN tum ko bhi bhula dooN ga

Kabhi Yaad Aao To Iss Tarah
Kabhi GunGunao to Iss Tarah

Mera Dard Phir Se Ghazal Banay
Kabhi Dil Dukhao To Iss Tarah

Meri DharkanaiN Bhi Laraz UthaiN
Kabhi Bhool Jao To Iss Tarah

Nah Sisak SakaiN Nah Bilak SakaiN
Kabhi ChhoR Jao To Iss Tarah

Nah Ujar SakaiN Nah SaNwar SakaiN
KabhiYaad Aao To Iss Tarah

woh to her baar her ikk hadd se guzar jata hai
phir wohi lamha mere dil main utar jata hai

noor paRta hai jab iss khaak nasheeN dunya per
uss ki aankhoN k siwa aor kidhar jata hai

log kehtay haiN k taknay se nazar lagti hai
uss ka chehra hai keh bus aor nikhar jata hai

uss k hathoN main cHupii shokh si khushboo bolay
toR ker phool woh phir saaf mukarr jata hai

har qadam phoonk k rakhna k yeh duniya hai ajab
is maen bhatka howa kab laut ka ghar jata hai