Agar Woh Baadshah Hota

To Koi Baat Bhi Hoti

Suna Hai BaadshahoN Ko

Dain Koi Aisa Nazranah

Jo Sab CheezoN Se Barh Ker Ho

To Apni Baadshahi Tak

Luta Detay Hain Woh Aksar

Mohabbat Hai Hamaray Pass!

Magar Woh Baadshah Kab Hai...

Suna hai iss jahan main zindagi ki qehat saali hai,

Yahan 2, 4 din jeeny ka aksar zikar hota hai,

Yahan her cheez faani hai, Sbhi ko moat aani hai,

yahan izhaar kya kerna, Yahan per pyar kya kerna,

Magar kuch youn bhi sunta hoon,

Keh Aisa ek jahan ho ga,

Keh jis main moat aany ka, Koi dharka nahin ho ga,

Hayat-e-javidan k sab Wahan asbaab rakhy hain,

Ye mera tum se wada hai,

Agar donon wahan mil gaye,

Waheen iqrar kr lain gay,

Waheen izhar kr lain gay,

Waheen phir pyar kr lain gay.

Usay kehna! bicharne se mohabbat to nahi marti

Bichar jana mohabbat ki sadaqat ki alamat hai

mohabbat ain fitrat hai

haan fitrat kab badalti hai...

So, jab hum door ho jayen,

Bohot majboor ho jayen...

To yeh mat soch lena tum,

Mohabbat marr gai hogi!!!

Nahin! aisa nahin hoga!

Meray baaray main sun ker jab tumhari aankh bhar aaey

chhalak ker ek bhi aansu palukk per jo utar aaey

to bus itna samajh lena...

Jo meray naam se itni teray dil ko aqeedat hai

Teray dil main bicharr ker bhi abhi meri mohabbat hai

Mohabbat jo bikhar ker bhi, sadaa aabad rehti hai

Mohabbat ho kissi se to HAMESHA yaad rehti hai

Mohabbat waqt k bay-rehem tufaaN se nahi darti

Ussay kehna!!

BICHHARNE SE MOHABBAT TO NAHI MARTI...!

Bohot farsudah lagtay hain mujhe ab yaar k qissay

Gul-o-Gulzaar ki batain, lab-o-rukhsaar k qissay

Yahan sab k muqaddar main faqat zakhm-e-judai hai

Sabhi Jhootay fasanay hain, visaal-e-yaar k qissay

Bhala ishq-o-mohabbat se kissi ka pait bharta hai?

Suno! Tum ko sunata hoon main karobaar k qissay

Meray Ehbaab kehtay hain yehi ek Aeib hai mujh main

Sar-e-deewar likhta hun Pus-e-deewar k qissay

Main aksar iss liay logon se ja ker khud nahi milta

Wohi bekaar ki batain wohi bekaar k qissay

Chalo aisa kerain mil ker sitaray baant letay hain

Zaroorat k mutabiq sab saharay baant letay hain

Mohabbat kernay walon ki tijarat bhi anokhi hai

Mufaafa chor detay hain khasaara baant letay hain

Agar milna nahi mumkin to lehron pe qadam rakh ker

Abhi dariya-e-ulfat k kinaaray baant letay hain

Meri jholi main jitnay bhi wafa k phool hain in ko

Ekathay baith ker ek roz saaray baant letay hain

Mohabbat k ilawa paas apnay kuch nahi ay dost

Issi daulat ko hum chahat k maaray baant letay hain

QASAM LAY LO, TUMHARAY BAAD

Kisi ka khawab dekha ho,

Kisi ko hum ne chaha ho!

Kisi ko hum ne socha ho,

Kisi ki aarzu ki ho!

Kisi ki justuju ki ho,

Kisi ki raah dekhi ho!

Kisi ka Qurb maanga ho,

Kisi ko saath rakha ho!

Kisi ki aas ki ho,

Koi umeed bandhi ho!

Koi dil main utara ho,

Koi tum se bhi piyara ho!

Koi dil main basaya ho,

Koi apna bnaya ho!

Koi rootha ho to hum ne,

Usay ro ker manaya ho!

December ki haseen rutt main,

Kisi ka hijr jhaila ho!

Kisi ki yaad ka mosam,

Meri aankhon main khela ho!

Kisi se baat kerne ko,

kabhi yeh hont tarsay hon!

Kisi ki bewafaai per,

Kabhi yeh nain barsay hon!

Kabhi raaton ko uth uth ker,

Teray dukh main nah roye hon!

Qasam lay lo, tumharay baad,

Hum ek pal bhi soye hon!

Qasam lay lo ...

Kabhi jugnu, kabhi taara,

Kabhi mehtaab dekha ho!

Qasam lay lo tumharay baad,

Kisi ka khawab dekha ho!

QASAM LAY LO...!

Bohot bay-dard hoon nah main!

Staata hun bohot tum ko

Rulata hun bohot tum ko

Keh tum ko chhor kay tanha

Khizaan lamhon ki baanhon main

Bohot he door sochoN main

Chala jata hun main aksar!!

Chalo aisa kero jana!!

Mujhe koi saza day lo

Keh jab sonay ko munn chahay

To meri palkon ka ghunghat orh ker

Tu meray Ru-Bru aana

Meri Saanson main bus jana

Zara bhi door apni yadoN se

Kabhi honay nahi dena

Suno! Tum aisa kerna keh

Mujhay Sonay Nahin Dena!!!

Dekha palat k uss ne keh hasrat usay bhi thi

Hum jiss pe mit gaey thay mohabbat usay bhi thi

Chup ho gaya tha dekh ker woh bhi idhar udhar

Duniya se meri tarah shikayat usay bhi thi

Yeh soch ker andheray galay se laga liay

Raaton ko jaagnay ki aadat usay bhi thi

Woh ro dia tha mujh ko pareshan dekh ker

Uss din raat khula, meri zaroorat usay bhi thi

Unn patharon k saath nibhani pari usay

Jinn se faqat mujhe nahi, nafrat usay bhi thi

Kehnay Ko Mohabbat Hai Lekin

Ab Aisi Mohabbat Kia Kerni...

Jo Neend Chura Lay Aankhon Se,

Jo Khawab Dikha Ker Phoolon Kay,

Tabeer Main Kantay Day Jaey!

Jo Gham Ki Kaali Raton Se,

Her Aas Ka Jugnu Lay Jaey...

Jo Khawab Sajati Aankhon Ko,

Aansu he Aansu Day Jaey...

Jo Mushkil Ker Day Jeenay Ko,

Jo Mernay Ko Asaan Keray...

Woh Dil Jo Piyar Ka Mandir Ho,

Woh Yadon Ko Mehmaan Keray

Ab Aisi Mohabbat Kia Kerni,

Jo Umr Ki Naqdi Lay Jaey,

Aor Phir Bhi Jholi Khali Ho...

Woh Soorat Dil Ka Rog Banay,

Jo Soorat Dekhi Bhaali Ho,

Jo Qais Bana Day Insaan Ko,

Jo Ranjha aor Farhaad Keray...

Ab Aisi Mohabbat Kia Kerni,

Jo Khushion Ko Barbaad Keray,

Dekho To Mohabbat Kay Baaray Main,

Her Shakhs Yehi Kuch Kehta Hai,

Socho To Mohabbat Kay Andar,

Ek Dard Hamesha Rehta Hai,

Ab Aisi Mohabbat Kia Kerni ...!!!

Ishq Pagal Ker Gaya To Kia Kero Ge Soch Lo

Saanehaa Aisa Hua To Kia Kero Ge Soch Lo

Sath Uss Kay Her Qadam Chalnay Ki Aadat Kis Liay

ChHor Ker Woh Chal Dia To Kia Kero Ge Soch Lo

Shor Bahir Hai Abhi iss Wastay Khamosh Hun

Shor Andar Gar Uthaa To Kia Kero Ge Soch Lo

Ker Rahay Ho Ghar Naya Tameer Urtee Rait Per

Yeh Achanak Gir Gaya To Kia Kero Ge Soch Lo

Band PalkoN Per Adhooray Khawab Buntay Ho Magar

Koi Inn Main Aa Basaa To Kia Kero Ge Soch Lo

Dar, Dareechay Sab Mukaffil Ker Kay Bethay Ho Magar

Woh Achanak Aa Gaya To Kia Kero Ge Soch Lo

Doobtay Sooraj Ka Chehra Aur Uss Ka Naqsh-e-Paa

Jab Woh Manzar Gum Hua To Kia Kero Ge Soch Lo