Chalo iss bar yeh sochain

Keh iss tarah nahin milna

Koi shikwa nahin kerna

Magar ek baat yeh bhi hai

Jahaan shikway nahin hotay

Wahan chahat nahin hoti

Ajab Taqazay Hain ChahatoN Kay

Bari Katthin Yeh MusafataiN Hain

Main Jiss Ki RahoN Main Bikk Gaya Hoon

Ussi Ko Mujh Se ShikayateiN Hain

ShikayateiN Sab Baja Hain Lekin

Main Kesay Uss Ko YaqeeN DilauN

Jo Mujh Ko JaaN Se Azeez Tar Hay

Usay BhulauN To Mar Nah JauN!

Main Khud KhayaloN Main Itna Gum HooN

Kahan Kahan Se Guzar Gaya Hoon

Usay Khabar Bhi Nahin Hai Shayed

Main Dheeray Dheeray Bikhar Gaya Hoon