Tum mohabbat ko khel kehte ho,

Hum ne barbaad zindgi kar lee,

Bhuul shayad bohut badi kar lee,

Hum ne dunya se dosti kar lee,

Tum mohabbat ko khel kehte ho,

Hum ne barbaad zindgi kar lee,

Sabh kee nazrein bachaa ke dekh liya,

Aankhon aankhon mein baat bhi kar lee,

Aashiqi mein bohut zaruuri hai,

Be-wafaayi kabhi kabhi kar lee,

Hum nhi jaante chiraagon ne,

Kyun andheiron se dosti kar lee,

Dhadkan dafan ho gayi hogi,

Dil mein diwaar kyun khadi kar lee

main apni dosti ko shehr main ruswa nahi kerti

mohabbat main bhi kerti hoon magar charcha nahi kerti

jo mujh se milnay aa jaey main uss ki dil se khadim hun

jo uth k jana chahay main usay roka nahi kerti

jisay main chhor deti hun usay main bhool jati hun

phir uss hasti ki janib phir kabhi dekha nahi kerti

tera israar sir aankhon pe keh tum ko bhool jaun main

main koshish ker kay dekhun gi magar wada nahi kerti

Dil Main Ab Dard-e-Mohabbat Kay Siwa Kuch Bhi NahiN

Zindagi Meri Ibadat Kay Siwa Kuch Bhi NahiN

Main Teri Baar'Gah-e-Naaz Main Kia Pesh KeruN

Meri Jholi Main Mohabbat Kay Siwa Kuch Bhi NahiN

Ay Khuda! Mujh Se Nah Lay Meray GunahoN Ka Hisab

Meray Pass Ashk-e-Nadamat Kay Siwa Kuch Bhi NahiN

Woh To Mitt Ker Mujhay Mil He Gai Rahat Warna

Zindagi Ranj-o-Museebat Kay Siwa Kuch Bhi NahiN

Had-e-JunooN se guzar hua to MohabbatoN ka pata chalay ga

Koi Wafa ki nazar hua to MohabbatoN ka pata chalay ga

Abhi to Phirtay ho dostoN main, Azia koi juda naheN Hai

Koi idhar se udhar hua to MohabbatoN ka pata chalay ga

Abhi Mohabbat naheN hui naa! Kuch iss liay muskura rahay ho

Kissi ki BaanhoN main ghar hua to MohabbatoN ka pata chalay ga

Woh jiss ki khatir bana rahay ho zamanay bhar ko tum apna dushman

Wohi naa apna agar hua to MohabbatoN ka pata chalay ga

Kabhi barish barasti hai

to mujh ko yaad aata hai,

Woh aksar mujh se kehti thi,

MOHABBAT AIK BARISH HAI

Sabhi pe jo barasti hai,

Magar phir bhi nahi hoti sabhi kay waastay yaksaaN!

Kissi k waastay rahat,

Kissi k waastay zehmat,

Main aksar sochta hoon ab,

Woh mujh se theek kehti thi,

MOHABBAT EK BARISH HAI

Sabhi pe jo barasti hai,

Kabhi mujh pe bhi barsi thi,

Magar meray liay barish,

Kabhi nah ban saki raahat,

Yeh raahat kiun nahi banti,

Kabhi main khud se puchooN to,

Yeh dil deta duhaai hai,

Kabhi kachay makanoN ko bhi baarish raas aai hai...?