Yeh aankh ronay ki shiddat se laal thori hai

Malaal hai magar itna malaal thori hai

Bus apnay wastay he fikr-mand hai sab log

Yahaan kisi ko kisi ka khayaal thori hai

Paron ko kaat dia hai U'raan se pehlay

Yeh khof-e-hijr hai, shoq-e-wisaal thori hai

Jawab yeh hai keh ab koi bhi jawab nahin

Sawal yeh hai keh ab yeh sawaal thori hai

Maza to jab hai keh haar k bhi hanstay raho

Hamesha jeet he jana kamaal thori hai

Lagana parti hai Dubki ubharnay se pehlay

Gharoob honay ka matlab zawaal thori hai